Levensloop
Leef luij vaan ’t Heugemerveld èn wiet dao boete.
In dit sjrieve wèl iech miech gére aon Uuch veurstèlle zoedàt geer miech gèt beter liert kinne.
Miene naom is Nigel Smeets èn bin de zoon vaan Anita Smeets.
Sáme mèt mien mam woen iech in de Baron vaan Hövellstroat op nummerke 34 in us wiek Heugemerveld.
Iech bin gebóre op 02 oktobe 2002 in het AZM hospitaol te Mestreech.
Hel mien leve woen iech al in de Baron vaan Hovellstraot dee veer weer hobbe umgeduip tot de prinsvaan Hovellstraot in ‘t Heugemerveld.
Hiel get prinse hubbe heoij al hun palies gehad.
Hijj in dees wiek ligke de roots vaan mien mam en opa en oma Ouch iech woen hijj gére.
Hoewel iech zelvers gei hpoesdiere hub logere Sjo en Sjerke vaan tant lizzy deks beij us.
Ónderwies vòlleg iech aon MBS De Poort èn wel in gruupke 5.
Iech krèg dao lès vaan mien leef juffrôws Eva en Manja.
Regelmaotig bin iech in de straote vaan Heugemerveld te vinde of bijj de club vaan Stiechting Trajekt.
Iech bin ‘nne groete fan vaan MVV boe iech same met mien mam deks nao gaon kieke.
Zèllevers trap iech ouch wèl ins e belke op ein vaan de pleinsjes.
Bijj mien club Willem I in “t vrouweveld.
Iech spaol dao in de E2 en bin met mein gooi conditie miestal te vinde op ’t middeveld.
Vrundjes, dat zien dao wèrrekelik te väöl um op te neume.
Iech bin zoegèt vrunt met éderein,
Zónder aandere te kort te wèlle doen gaon iech o.a. väöl um mèt mien vrundjes Damiano en Dustin.
Veer weure met zien dreije in de Heugmeveldse straote ouch wel de dreij Musketiers genump.
Weijer haw iech vaan playstatione en bin iech altied in veur e grepke.
Mien groetste idole zien van de Sar en Huntelaar.
Eigelik alles wat mét Nederlandselftal te maake heet.
Iech hoop daan och dat veer op ’t EK weer in de finale stoon en Nederlands elftal kampioen weurt.
Iech bin bizunder gruuts dàt iech Uuch dit jaor es Prins Nigel d’n 1e Heugemerveld èn De Kluiverkes maag veurgoon.
Gèt wàt iech in mien stoutste druime neet had dörreve te druime.
Miene noonk Peter Smeets is miech al ins veurgegaange in 1995.
En ouch mien neefke Damond is beij de kluiverkes gewees.
Vastelaovends viere zit daan ouch bij miech in ’t blood en is miech met de paplepel in gegoote.
Kiek mer insnao mie mam die zelvers al vaanaof keends of aon n ’t zaolke te vinde waors.
Bijj De Kluiverkes koume is eigelik al ‘nne hiele ier en bin iech daan ouch al weer 2 jaorkes lid vaan.
Iech waors daan ouch gans verpòpzak toen ze miech kaome vraoge um prins te weure èn Uuch in ’t jaor 2012 maag veurgoon.
Es sportfanaticus e bizunder jaor met de olimpische speule en EK in aontoch.
Kortom veur miech e bizunder jaor Iech bin dao daan oug klaor veur!
Iech hoop dàt veer dao sáme ‘nne ònvergételikke vastelaovend vaan goon máke.
Iech wèl Uuch daan ouch beleef oetnúdige um op 19 februari a.s. sáme mèt miech èn De Kluiverkes de vastelaovend goon in te luije in de Mestreechtermès.
Ouch hoop iech Uuch te máge begroete in uzze hoftèmpel La Ballettsa op ein vaan us aktiviteite.
‘T ganse program vind geer wijjerop in dit beukske Of op de website www.cvdekluivers.com
Es geer nao d’n Hoftèmpel komp sjrik daan neet es iech mèt mien Kluiverkes Uuch mèttrek in d’n rijjaloet en oet volle boors mét zing.
Vendaog hub iech gein tied.
Sáme zàlle veer La Ballettsa op ziene kop zètte.
Prins weure, dàt deiste meh eine kier.
Èn vastelaovend is ’t meh drèj daog per jaor.
Kortum, laote veer dao sáme ein groet fies vaan maake en hosse en springe op e mestreechter ketele muziek.
Prins Nigel den 1e