Nieuws Lef Luij de vastelaovend is begos, "t momiscanon heet zien 11 sjeut gelos en 't groet fies is losgebarste. Prins Willem de ierste heet in ziene töw spraak gezag. Op 21 december hòbbe volgens haom, de Maya;s ziech t ind vaan de wereld bedag Daorum nump heer zich zelvers ouch wel Willem de leste Dat maak haom es veer vastelaovendsdisdag zinge " .. zoene gooie hóbbe veer noets gehad.... " ouch metein de allerbéste Heer zag tijdens zien proclamatie , dat veer dao nog eine kier vaan mote profitere Veer dreij daog laank al us zörg mote vergete en us kòstelik mote amezere Echter leef luij maak uuch gein zörreg maak uuch neet te drök És t aon miech lik zien veer us heij ouch in 2013 in dees kerrek weer trök Es reiziger en leefhöbber vaan dee Maya cultuur, Kin iech uuch verzekere.... dat veer ouch in 2013 uzze nuije hoeglustigheid zalle oetrope.... De Maya callepin zeet allein dat veer e nuij tiedperk tegemoot zulle goon. En weijer dat veer zuinig moote zien op alles wat veer leef hòbbe.... um te kinne blieve veurtbestoon Dat gelt neet allein veur uzze eerdbol en sjoene natuur. Maar ouch korter beij hoes zoe es us kerrek, 't vereiningsleve en dee prachtige Heugemerveldse vastelaovends cultuur. Laote veer dao same zórg veur drage.... dat us kerrek en vereinigingsleve eurvereind blijf. Daan is 60 jaor parochie en uzze prins Willem pas 't begin, vaan é nuij tiedperk.... in plaots vaan 't ind Uzze Willem is daan gewoen weer de ierste in de reij. En zeet geer es nuij lid, vrijwilliger of es bezeuker dao daan ouch weer gewoen de beij. Met aander waord, veer höbbe it allemaol in eige hand, Behalve die twie prinse vaan us oet 't kluiverland. Leef luij iech sleet aof met..... Iech höb gezag. En geef noe dreij daag laank 't woord aon uzze hoeglustighede prins Willim en de 1e middels dee sleutel euverdrag. Hoeglustighede Prins Willem en Prinske Nigel succes de kaomende dreij daog. Want vaanaof noe höb iech geine tied. Um te potse um te koke of veur de striek Want vanaof noe is 't zoe wiet Goon veer hosse en springe op dee ketelemuziek. Daan höbbe veur ouch nog dat aander leedsje vaan hakke takke nein geer hoof. Ouch dao wel nog gèt euver kwiet. De begin regel begint es volg hakke takke balle balle jao veer goon weer carnavalle' t verklein woord vaan carnavalle is car-na-val de sjoenste val wat ste kins mèt make de vèlts daan naomelik nao bove töw. 'nne val vaan bleijheid en höb iech nao dee carnaval zoe 'n beerloch in mienne JEKKER die ruuk nao die daog mèt volle teuge op en zegk daan wat waor dat weer LEKKER. Vastelaovend saame. !!! Kluiver 2012 oetgereik aon : Ger Dreessen. Leef luij ich kin ’t neet aanders umsjrieve: Ger é wèrrekpeerd is. ‘T leefste wèrrek heer achter de sjèrreme lekker anoniem. Desóndaanks, zoe bliek ouch oet de nóminasies, is dit neet oongemèrrek veurbeij gegaange. Dat kin ouch neet aanders want Ger is ‘nne vrijwèlliger Puur Sang. Ze hove haom mer te vraoge èn es ’t wèrrek ’t touw liet, daan is heer vaan de partij. Zoe ouch toen Peter Smeets, lid vaan de Kluiverbeeldkemissie Ger belde mèt de vraog of heer ins mèt Uuch vaan gedachte kòs wissele. Ger sjaakelde metein èn dach dat zal wel goon euver ‘t 60 jaorig bestaonsfies vaan us parochie. Ouch dao wèl iech wèl kieke boe zie höllep nudig höbbe èn perbére mien steinsje beij te draage, is wat her dag. En dat is wat Haom zoe seert èn maak dat Ger oprech dees oondersjeiing verdeend höb. Ger Krijg dees hoegste ondersjeiding veur ziene inzat veur o.a. 10 jaor vrijwèlliger beij de seniorenmiddag. 18 jaor sjaol kamp. Zoeën 20 jaor knech vaan de goodheiligmaan. Zoeën 15 joar in allerleij rolle mètwèrreker beij de Oranje fieste. Collectant gewees in dees kèrrek. 15 jaorig bestaonsfies Raccordemint. Mer bove al 23 jaor laank eine vaan us trouwe vrijwèlligers vaan CV De Kluivers. Betrokke gewees beij de ransjásies vaan 3x11 èn 4x11 jaor CV De Kluivers. Iech bin dao vaan euveruig dat Ger oktober, es veer ‘t 40 jaorg bestaonsfies vaan us parrochie viere , geer ouch weer daobij zeet. Kortum : Es ste diech al ruim 23 jaor gehiel belangeloos in zéts , mèt aander wäörd, altied deensbaar bis tbv vaan ’t Heugemerveldse vereiningsleve èn sósjaole activiteite in us wiek. Daan maag iech es prizzendent vaan CV De Kluivers wel stèlle, dat Ger persoen ‘nne vrijwèlliger Puur Sang is. Ger nogmaols Perfisia met eur ondersjeijding. Geer höb t verdeend!! Prizzedent CV De Kluivers Bart Gorissen